Ima jurhiatikuarhu 6 de noviembre ma uenani uarhati, ima kunkurhikua uarharicheri Ballet Folklóriko arhikata imeri SEE anapu, ma tankuarhikuarhu enki unaka imarhu teatro «Samuel Ramos» arhikata.
Enkisï uejka jorhenkuarhikua ma uni enki iamintuecha majku erankupaka, juramuti imeri SEE, Yarabí Ávila González, jarhoatpesti untani imani kunkuarhikua ballet arhikatani, enki uarhanauakasï ma uenani ima jurhiatikuarhu domingo 6 de noviembre ima jantu 18:00 horas.
«Uekasïnkasi enki juchari sapirhaticha, tumpicha ka jorhempericha anchikuarhiakasï ma nani enki sesi janteaka, jimanki ima arte arhikata jorhentanaka ka urakuarhiaka, ka isi santaru sesi anchikuarhinaka», uantasti ima juramuti jorhenkuarhikueri.
Anchikuankuni ka ukuankuni, sano 120 anchikuarhiricha jorhenkuarhikueri, pauani pauani nirasïramptisi jorhenkuarhini uarhani, ka orhejtsïkuasïrampti ima Dirección de Educación Artística ka Desarrollo Cultural arhikata, jimanki juramutika Juan Iriarte.
Uarhanatisï Danza de Pastoras, Tareambaketi Danza de Aguadoras, Danza de Viejitos ka k’amarhutatisï uarhakuechankuni Apatzingán anapuecha.
Ka itku jauatisï kustaticha ka pirericha isï enki Bola Suriana, Rocío Vega, Media Luna ka ima Orquesta de Alientos imeri SEE anapu.